Home » මගේ කොටකොණ්ඩය සමහර අයට ප්‍රශ්නයක් වුණා – නිලූ ටනාෂා

මගේ කොටකොණ්ඩය සමහර අයට ප්‍රශ්නයක් වුණා – නිලූ ටනාෂා

by SKYY NEWS | SRI LANKA
2 comments 1,265 views
මගේ කොටකොණ්ඩය සමහර අයට ප්‍රශ්නයක් වුණා නිලූ ටනාෂා Skyylk

නිරූපණ ශිල්පිනියක් ලෙස ක්ෂේත්‍රයට එක්වුණු නිලූ ටනාෂා මේ වනවිට රංගන ශිල්පිනියක්ද වෙනවා. ඇය ජාත්‍යන්තර කිරුළක් ජයග්‍රහණය කළ ශිල්පිනියක්. මේ දිනවල විකාශය වනපාර දිගේ ටෙලිනාට්‍යයට නිලූ රංගනයෙන් දායක වෙනවා. ඉතිං මේ කතාබහ ඇය සමඟ.

මේ දවස්වලවැඩ කටයුතු කොහොමද?

මේ දවස්වල පාරදිගේ ටෙලිනාට්‍යයේරූගත කිරීම් සිදු කරනවා. වෙන කිසි වැඩක් මේ දවස්වල නැහැ.

පාරදිගේ ටෙලිනාට්‍යයට සම්බන්ධ වෙන්නේ කොහොමද?

මම අග්නි පියාපත් ටෙලි නාට්‍යයේ චරිතයකට රංගනයෙන් දායක වුණා. ඒ අවස්ථාව උදා කරලා දුන්නේ මගේ යාළුවෙක්. අග්නි පියාපත් හරහා තමයි ශිවා අයියව, චාමර අයියව, සද්ධා අයියාව අඳුනාගන්න ලැබෙන්නේ. ඊට පස්සේ තමයි ඒගොල්ලෝ මට පාරදිගේ ටෙලි නාට්‍යයට ආරාධනා කරන්නේ.

මෙහි ඔබේ චරිතය ගැන කිව්වොත්?

මගේ චරිතයේ නම වත්සලා දිසානායක. උද්දික අයියගේ පස්සෙන් යන චරිතයක්. උද්දික අයියා රඟපාන රොහාන්ගේ චරිතයට මම ආදරේ කරනවා.මගේ චරිතය තවම පටන් ගත්තා විතරයි. දැනට හොඳ ප්‍රතිචාර ලැබෙනවා. ඒ ගැන සතුටුයි.

ඔය ටෙලිනාට්‍ය දෙකට අමතරව තව මොනාදසම්බන්ධ වුණු නාට්‍ය?

මම කලාවට එන්නේ නිරූපණ ශිල්පිනියක් විදියට. එතනින් තමයි මට රංගනයට ආරාධනා ලැබෙන්නේ. හිරු නාලිකාවේ විකාශය වුණු අහස් මාළිගා ටෙලි නාට්‍යයට රංගනයෙන් දායක වෙලා තියෙනවා. මම මහේන්ද්‍ර සර්ගේ ක්ලාස් එකෙත් රංගනය ගැන ඉගෙන ගත්තා.හැබැයි මම මුලින්ම රංගනයෙන් සම්බන්ධ වෙන්නේ හර්ෂ උඩකන්ද අයියගේ සේද මාවත චිත්‍රපටයට. ඒක ලැබෙන්නේ අනුජ් රණසිංහ අයියා හරහා.

නිරූපණයට එද්දී රංගනය ගැන බලාපොරොත්තුවක් තිබුණද?

නැහැ. පොඩි කාලේ ඉඳන් ගොඩක් ආසාවෙන් හිටිය රඟපාන්න. නිරූපණ ක්ෂේත්‍රයේ දී මම ගොඩක් දේවල් ලබාගෙන තිබෙනවා. මම මෙහේ නිරූපණ තරගවල සහජාත්‍යන්තර තරඟාවලිවල ජයග්‍රහණය ලබාගෙන තිබෙනවා. ගොඩක් අය මට රංගනයට ආරාධනා කළත් audition වලදීමගේ කොණ්ඩය එයාලාට ප්‍රශ්නයක් වුණා. මට තියෙන්නේ කොට කොණ්ඩයක්නේ.ඒ නිසා රංගනය ගැන ලොකු බලාපොරොත්තුවක් මට තිබුණේ නැහැ. එනිසා මම ඒ පිළිබඳව උත්සාහ කළෙත් නැහැ. සේද මාවත චිත්‍රපටයෙන් පස්සේ පස්සේ මට රංගනය ගැන ආසාවක් ඇති වුණා. ඊට පස්සේ තමයි මහෙන්ද්‍ර සර්ගේ ක්ලාස් එකටත් ගියේ.

ඔබ ජාත්‍යන්තර රූ රැජිණ තරඟාවලි ජයග්‍රාහිකාවක්.පහුගිය කාලයේ කිරුළක් සම්බන්ධවඅපේ රටේ ප්‍රශ්නයක් ඇති වුණා. මේ ගැන ඔබ මොකද හිතන්නේ?

ඔය ප්‍රශ්නෙදි පැති කිහිපයක් තිබෙනවා. ඇත්තටම මම ඔය සම්බන්ධව කතා කරන්න කැමති නැහැ. හැබැයි ඒ අවස්ථාවේදී ඒ කරපු දේ වැරදි කියල විතරයි මම කියන්නේ. මට එයාල එක්ක පෞද්ගලිකව කිසිම සම්බන්ධයක් නැහැ. නමුත් ඒ අවස්ථාවේදී කරපු දේ ඉතා වැරදියි.

ඉදිරියටත් ටෙලි නාට්‍යවලට ආරාධනා ලැබුණොත් බාරගන්නවද?

මගේ දක්ෂතාවයට ආරාධනාවක් ලැබුණොත් මම හොයලා බලලා හොඳ නිර්මාණවලට සම්බන්ධ වෙනවා.

ඉදිරි වැඩකටයුතු ගැන කිව්වොත්?

ඇත්තටම දැන් ඉදිරියේ ගැන කතා කරන්න බැරි තත්ත්වයක් උදාවෙලා තියෙන්නේ. ඉදිරියට මොනවා වෙයිද කියන්න දන්නේ නැහැ. මම හිතන්නේ අපි කාටවත් හිතාගන්න බැහැ ඉස්සරහට මොනවා වෙයිද කියලා.

කලාවේ ඔබේ ආරම්භයේ ඉඳල අද පැමිණි තැන  ගැන මොකද හිතෙන්නේ?

ඇත්තටම ගොඩක් සතුටුයි. මම නිරූපණ ක්ෂේත්‍රයට ඇවිල්ලා දැන් අවුරුදු දහයක් වෙනවා. මම නිරූපණය හැදෑරුවේ රොසෑන් ඩයස් මහත්මිය යටතේ. මම කිරුළක් දරාගෙන ඉන්නේ ඇය නිසයි. මම කවදාවත් හිතුවේ නෑ මට එච්චර දුරක් යන්න පුළුවන් කියලා.

උදව් කරපු අය ගැන කිව්වොත්?

මුලින්ම මතක් කරන්න ඕනේ රොසෑන් ඩයස් මහත්මියව.ඒ වගේම මගේ වටේ හිටපු හැම යාලුවෙක්ට මම ස්තූති කරනවා.ඒ වගේමඅනූජ් අයියට, හර්ෂ උඩකන්ද අයියව මතක්කරන්න ඕනේ.ඒ වගේම චාමර සමරවික්‍රම, ශිවගුරුනාදන් සහ සද්ධා සද්ධාමංගල සූරියබණ්ඩාරකියන ත්‍රිත්වයටත් ස්තුති කරනවා. ඒ වගේම අමිල අයියාවත් මතක් කරන්න ඕනේ.නම් නොකියපු මට උදව් උදව් කරපු හැමෝටමත් ස්තුතියි.

කැලුම් දේවින්ද

Privacy Policy – All The Images In This Page Were Found Via Internet Search Engines And Other Websites And The Legal Copyrights Of Those Content Belong To The Actual …Owners. We Have Taken Our Effort To Acknowledge The Copyright Owners Where Possible, But There Might Some Missing Out. If You Feel Any Of Your Copyrighted Material Is …Seen In This Web Site, You May Comment It And That Will Be Removed. If You Have Any Problem Please Contact Or Report Us. Thank You, Admin.

Please Send A Removal Request To This Link | Contact Us

Leave a Comment

2 comments

නිර්නාමික ජූනි 28, 2021 - 4:53 ප.ව.

❤❤❤

Reply
නිර්නාමික ජූනි 28, 2021 - 5:05 ප.ව.

Sexy

Reply

You may also like

This website uses cookies to improve your experience. We'll assume you're ok with this, but you can opt-out if you wish. Accept

Subscribe to our newsletter

Subscribe to our newsletter for new news and gossip updates.

Subscribe to our newsletter

Subscribe to our newsletter for new news and gossip updates.