Home » මහේෂි මධුසංකා රංගනයෙන් ඈත් වුණේ ඇයි?

මහේෂි මධුසංකා රංගනයෙන් ඈත් වුණේ ඇයි?

by SKYY NEWS | SRI LANKA
0 comment 1,391 views
මහේෂි මධුසංකා රංගනයෙන් ඈත් වුණේ ඇයි Skyylk

කාලයකට පසුව ඇය නැවතත් පුංචි තිරයේ දක්නට ලැබෙන්නේ ස්වර්ණවාහිනියේ විකාශය වන “ඇය” ටෙලි නාට්‍යයෙනුයි. අද හදගැස්ම සරසන්නේ මහේෂි මධුසංකා යි.

කොහොම ද මේ දවස්වල ජීවිතේ?

පරිස්සමින්, සෞඛ්‍යාරක්‍ෂිතව සිටිනවා. 

කලා කටයුතුවල විස්තර කොහොම ද?

“ඇය” ටෙලි නාට්‍යයේ රූගත කිරීම් නුදුරේදී අවසන් වුණා. තවත් අලුත් ටෙලි නාට්‍යයකට සම්බන්ධ වීමට බලාපොරොත්තු වෙනවා.

ප්‍රසූත කාලය නිමවූ පසුවත් ඇය ටෙලි නාට්‍යයේ චරිතය ඔබටම හිමි වුණා. නැවත ඒ චරිතයට හැඩගැසෙන්න ඔබගේ සිරුරේ හැඩය වෙනස් කර ගත්ත ද?

මං කිරි දෙන මවක් නිසා පෝෂණ තත්ත්වය ගැන වැඩියෙන් හිතනවා. ඒ නිසා සිරුරේ හැඩය පවත්වා ගන්න විශේෂ යමක් සිදුකළේ නැහැ. ඇය ටෙලි නාට්‍යයෙන් දරුවන් දෙදෙනකුගේ මවකගේ චරිතයට පණපොවන නිසා මගේ ශරීර ස්වභාවය එකී චරිතයට ගැටලුවක් වුණේ නැහැ.

ඇය කියන්නේ විදේශීය නාට්‍යයක කොපියක් ද?

ඇය ටෙලි නාට්‍යයේ තිර රචනය සිදුකරන්නේ චින්තක පීරිස් මහත්මයා. එක වගේ නිර්මාණ කිහිපයක් බිහිවීමේ අවකාශය පවතිනවා. මං හිතන්නේ “ඇය” කියන්නේ යම් ආභාසයකට ලියැවුණු ලාංකික අනන්‍යතාව එක්වූ නිර්මාණයක්.

ජනප්‍රියත්වයේ හිනි පෙත්තෙ වැජඹෙන විට ඔබ කලා ක්‍ෂේත්‍රයෙන් මඳක් සමුගන්නවා. ඒ නිසා ප්‍රේක්‍ෂකයන්ගෙන් ඔබ තරමක් ඈත් වුණා නේද?

රැකියාව හා පවුල් ජීවිතය සමබර කර ගැනීමේදී ඇතැම් විට වෘත්තීය ජීවිතයෙන් තරමක් ඈත් වෙන්න සිදුවන අවස්ථාවන් තිබෙනවා. මං රංගන ජීවිතයට මඳ විවේකයක් ලබා දුන්නේ මගේ ආදරණීය දරුවා වෙනුවෙනුයි. ඒ නිසා මට ඒ ගැන අංශු මාත්‍රයකවත් දුකක් නැහැ.

පුංචි තිරයේ රඟපාන ඇතැම් කලාකරුවන් රිදී තිරය තුළදී රංගනයෙන් අසාර්ථක වෙනවා. රිදී තිරය තුළ බහුලව දකින රංගන ශිල්පීන් රංගන ශිල්පිනියන් ටෙලි නාට්‍ය තුළ රංගනයෙන් අසාර්ථක වෙනවා. මෙවැනි තත්ත්වයක් පැන නඟින්නේ ඇයි?

රංගන ශිල්පීන්ට හෝ රංගන ශිල්පිනියන්ට රිදී තිරයටත්, පුංචි තිරයටත් කොටු වෙන්න අවකාශයක් නැහැ. මං ක්‍ෂේත්‍රයට පිවිසෙන්නේ චිත්‍රපටයකින්. ඒ නිසා ගොඩක් අධ්‍යක්‍ෂවරුන් මට පැවැසුවා ටෙලි නාට්‍යවලට සම්බන්ධ වෙන්න එපා කියලා. අපට චිත්‍රපටයක් හිමිවන්නේ මසකට හෝ මාස කිහිපයකට පසුවයි. චිත්‍රපටයක රඟපෑවත් එය තිරගත වීමට අවුරුද්දක්, දෙකක් හෝ ඊට වැඩි කාලයක් ගත වෙනවා. මං චිත්‍රපටයකට රංගනයෙන් දායක වෙලා වසර 02ක් කිසි ම ටෙලි නාට්‍යයක් භාර නොගෙන බලන් හිටියා. මගේ පළමු චිත්‍රපටය තිරගත වෙනකොට මං ටෙලි නාට්‍ය දෙකකට රංගනයෙන් දායක වී හමාරයි. විනෝදාංශයක් විදියට රංගන කටයුතු කරනවා නම් චිත්‍රපටවලට විතරක් කොටු වෙන්න පුළුවන්. වෘත්තිය මට්ටමේදී එකී සිද්ධාන්තය අසාර්ථකයි.

එකී ක්‍ෂේත්‍රයන් ද්විත්වයේ ම අසාර්ථක නොවී ස්ථාවරත්වය පවත්වා ගන්නේ කොහොම ද?

රංගනය කියන්නේ හැදෑරිය යුතු විෂය පථයක්. ඒ වගේ ම ප්‍රවීණයන් සමග කටයුතු කරන කොට ඔවුන්ගේ දැනුම උකහා ගතයුතුයි. රිදී තිරයේ සාර්ථකවීම් පුංචි තිරයේ නොපෙනීමටත්, පුංචි තිරයේ ජනප්‍රිය තරු රිදී තිරයේ අසාර්ථකවීමේ අවස්ථාවත් අපේ කලාකරුවන්ට පමණක් පොදු කරුණක් නොවෙයි. එයට වාසනා ගුණයත් යම්තරමින් හෝ බලපානවා.

මවගේ භූමිකාව හා වෘත්තීය ජීවිතය සමබර කර ගන්නෙ කොහොම ද?

තමන්ගේ දරුවන්ගේ වගකීම තමන් ම දැරිය යුතුයි කියන මනසේ මං ඉන්නවා. කාලය කළමනාකරණය කර ගැනීම තුළ වෘත්තීය ජීවිතය වගේ ම මවගේ භූමිකාව සමබර කර ගන්න පුළුවන්.

පවුලේ විස්තර කොහොම ද?

මගෙ අම්මා, සැමියා, දුව, පුතා මගේ පවුලේ ඉන්නෙ.

අනාගත බලාපොරොත්තු මොනවා ද?

පරිස්සමින්, සතුටින් සැහැල්ලුවෙන් කාලය ගත කරන්නයි මගේ එක ම බලාපොරොත්තුව.

Leave a Comment

You may also like

This website uses cookies to improve your experience. We'll assume you're ok with this, but you can opt-out if you wish. Accept

Subscribe to our newsletter

Subscribe to our newsletter for new news and gossip updates.

Subscribe to our newsletter

Subscribe to our newsletter for new news and gossip updates.